Mat 24:45-51 | EweBEE | STEP | “Minye dɔla nuteƒewɔlawo kple aɖaŋudzela siwo ate ŋu akpɔ nye aƒe dzi ana nuɖuɖu vinyewo ɖe ɣeyiɣi dzi pɛpɛpɛ gbesiagbe.

Matthew 24:45-51

Dɔla ŋuteƒewɔla alo ŋuteƒemawɔla la

(Luka 12:41-48)

45 “Minye dɔla nuteƒewɔlawo kple aɖaŋudzela siwo ate ŋu akpɔ nye aƒe dzi ana nuɖuɖu vinyewo ɖe ɣeyiɣi dzi pɛpɛpɛ gbesiagbe. 46 Nenye be metrɔ gbɔ va kpɔ mi miele miaƒe dɔdeasi siawo wɔm anukwaretɔe la, mayra mi ŋutɔ. 47 Nuteƒewɔla siawo tɔgbie matsɔ ɖo nusiwo katã le asinye la nu.

48 “Gake ne miewɔ abe ame vɔ̃ɖiwo ene hegblɔ na mia ɖokuiwo be, ‘Nye Aƒetɔ mava fifia o,’ 49 ale be miede asi dɔla bubuawo ƒoƒo me hele nutsuɖuɖu kple ahamumu dzi la, 50 miaƒe Aƒetɔ la ava do ɖe mia dzi kpata le ɣeyiɣi si me miele mɔ kpɔm nɛ o la me, 51 eye woaƒo mi vevie. Emegbe la ana woadrɔ̃ ʋunu mi kple alakpanuwɔlawo eye afi ma miafa avi, aɖu aɖukli hã le.”